"Real" bosh murabbiyi Joze Mourinyu operasiya qilingan jamoa himoyachisi Raul Asensioni shifoxonaga borib ko‘rdi. Bu haqda Madrid klubi rasmiy sayti xabar berdi.
"Joze Mourinyu Raul Asensioni shifoxonaga borib ko‘rdi. Bosh murabbiyimiz o‘ng katta boldir suyagidagi stress sinishi sabab muvaffaqiyatli operasiya qilingan "Real" himoyachisining ahvolidan xabar oldi", — deyiladi klub bayonotida.
Asensio ancha vaqtdan beri ushbu jarohat bilan bog‘liq muammoga duch kelib kelayotgan edi. Dastlab u konservativ davolash usuli orqali tiklanishga harakat qildi, ammo bu usul sinishni bartaraf etishga yordam bermadi.
Futbolchining tiklanishi ikki oydan uch oygacha davom etishi kutilmoqda.
