Turinning «Yuventus» klubi hujumchisi Kerim Alaybegovich faoliyatini Angliyada davom ettirishi mumkin. Bu haqda jurnalist Ekrem Konur ijtimoiy tarmoqlarda xabar berdi.
19 yoshli bosniyalik futbolchining transferiga Londonning «Chelsi» klubi qiziqish bildirmoqda. «Ko‘klar» Alaybegovichni yozgi transferlar oynasida o‘z safiga qo‘shib olishga urinib ko‘rishi mumkin.
Hujumchining bozor qiymati 32 million yevroga baholanmoqda. Uning «Yuventus» bilan amaldagi shartnomasi 2031 yil iyun oyi oxiriga qadar mo‘ljallangan.
Alaybegovich joriy mavsum Italiya chempionatida to‘rtta uchrashuvda maydonga tushdi, ammo hali gol yoki golli uzatma bilan ajralib tura olmadi.
