«Liverpul» markaziy himoyachisi Virjil van Deykning shartnomasi yakunlanib borayotgani fonida unga boshqa klublar tomonidan qiziqish tobora ortib bormoqda.
La Gazzetta dello Sport nashri xabariga ko‘ra, «Yuventus» vakili Niderlandiya va Germaniya terma jamoalari o‘rtasidagi uchrashuvga tashrif buyurib, van Deykning hozirgi holatini baholagan.
Turin klubi futbolchini o‘z safiga qo‘shib olishga qiziqish bildirmoqda, biroq ular uchun eng muhim omil — himoyachining jismoniy holati. Shu bilan birga, hozircha tomonlar o‘rtasida hech qanday muzokara bo‘lmagani ta’kidlanmoqda.
Van Deyk joriy mavsum barcha musobaqalar doirasida oltita o‘yinda maydonga tushdi va golli harakat bilan ajralib turmadi.
Niderlandiyalik futbolchining «Liverpul» bilan shartnomasi kelasi yozda yakuniga yetadi. Transfermarkt uning transfer qiymatini 15 million yevro deb baholamoqda.
