"Mirabror Usmonov kubogi-2026" turnirida O‘zbekiston U-20 terma jamoasi Armaniston U-20 ustidan yirik hisobda g‘alaba qozondi.

Jamoliddin Rahmatullayev shogirdlari turnirdagi ilk uchrashuvini 5:1 hisobida o‘z foydasiga hal qildi.

O‘yinda raqib birinchi bo‘lib hisobni ochdi. Bahsning 36-daqiqasida Abdulfayz Bobomurodov muvozanatni tikladi. Oradan ikki daqiqa o‘tib, Davron To‘laganov jamoamizning ikkinchi golini urdi. To‘laganov 47-daqiqada yana bir bor raqib darvozasini ishg‘ol qilib, dubl qayd etdi.

Uchrashuv yakuniga yaqin Kamron Yusupov ham o‘zini ko‘rsatdi. U 76 va 78-daqiqalarda gol urib, ikki daqiqa ichida dubl rasmiylashtirdi.

Shu tariqa, O‘zbekiston U-20 "Mirabror Usmonov kubogi-2026"ni yirik g‘alaba bilan boshladi.

"Mirabror Usmonov kubogi-2026"

O‘zbekiston U-20 — Armaniston U-20 — 5:1

Gollar: Abdulfayz Bobomurodov, 36; Davron To‘laganov, 38, 47; Kamron Yusupov, 76, 78.