"Мираброр Усмонов кубоги-2026" турнирида Ўзбекистон U-20 терма жамоаси Арманистон U-20 устидан йирик ҳисобда ғалаба қозонди.

Жамолиддин Раҳматуллаев шогирдлари турнирдаги илк учрашувини 5:1 ҳисобида ўз фойдасига ҳал қилди.

Ўйинда рақиб биринчи бўлиб ҳисобни очди. Баҳснинг 36-дақиқасида Абдулфайз Бобомуродов мувозанатни тиклади. Орадан икки дақиқа ўтиб, Даврон Тўлаганов жамоамизнинг иккинчи голини урди. Тўлаганов 47-дақиқада яна бир бор рақиб дарвозасини ишғол қилиб, дубль қайд этди.

Учрашув якунига яқин Камрон Юсупов ҳам ўзини кўрсатди. У 76 ва 78-дақиқаларда гол уриб, икки дақиқа ичида дубль расмийлаштирди.

Шу тариқа, Ўзбекистон U-20 "Мираброр Усмонов кубоги-2026"ни йирик ғалаба билан бошлади.

"Мираброр Усмонов кубоги-2026"

Ўзбекистон U-20 — Арманистон U-20 — 5:1

Голлар: Абдулфайз Бобомуродов, 36; Даврон Тўлаганов, 38, 47; Камрон Юсупов, 76, 78.