Jordan Pikford Angliya terma jamoasidagi sherigi Xarri Keyn "Oltin to‘p"ni qo‘lga kiritishi kerak, deb hisoblaydi.

"Menimcha, u bu sovrin uchun da’vogarlar qatoriga aniq kiradi. U o‘z oldiga qo‘yadigan talab darajasi va urayotgan gollari soni borasida unga teng keladigan futbolchi yo‘q.

Uning xarakteri ham futboldagi har qanday inson uchun ajoyib namuna. U o‘zi uchun juda yuqori me’yor belgilaydi va shuning uchun ham sovrinlarni qo‘lga kiritadi.

Men uning "Oltin to‘p"ni ko‘tarishini ko‘rishdan ortiqroq hech narsani istamasdim. Menimcha, bu uning o‘zi, oilasi va ular qilgan barcha mehnatning munosib mukofoti bo‘lar edi.

Agar Xarri bu sovrinni qo‘lga kiritsa, juda ajoyib bo‘ladi. Kapitanimiz uchun oldinda juda yaxshi bir necha oy turishi mumkin va u bunga to‘liq munosib. Og‘ir mehnat o‘z samarasini beradi — asosiy g‘oya mana shu", — dedi Angliya terma jamoasi darvozaboni.