«Milan»ning sobiq germaniyalik hujumchisi Oliver Birxoff klubdagi faoliyati, xususan, jamoa rahbariyati bilan munosabatlarini yodga oldi.

U klub prezidenti Silvio Berluskoni bilan kamdan-kam ko‘rishgan, uning birinchi yordamchisi Adriano Galliani bilan esa ancha ko‘p muloqot qilgan.

«Biz unchalik ko‘p uchrashmaganmiz, chunki u o‘sha paytda siyosat bilan ham shug‘ullanayotgan edi. Ammo u haqiqiy jentlmen edi. Uni ikki-uch marta, jumladan, farzandlari bilan birga ko‘rganman. Galliani esa juda ishtiyoqli inson.

U bilan har safar uchrashganimdan xursand bo‘laman. Aynan u meni “Milan”ga o‘tishga ko‘ndirgan», — deya Birxoffning so‘zlarini keltiradi pianetamilan.it.