"Manchester Yunayted" qanot himoyachisi Lyuk Shou yaqin vaqt ichida klubdan yangi shartnoma taklifini olishi mumkin. Bu haqda Football Insider xabar berdi.

Manba ma’lumotiga ko‘ra, "qizil iblislar" Shou bilan yangi kelishuv bo‘yicha muzokaralarni 2027 yil yanvar oyida boshlashni rejalashtirmoqda.

Turli mish-mishlarga qaramay, klub 31 yoshli himoyachiga uzoq muddatli istiqbolda ham ishonch bildirmoqda. Shu bilan birga, "Manchester Yunayted" Shou uchun raqobatchi bo‘la oladigan yangi futbolchi izlash ishlarini ham olib bormoqda.

Joriy mavsumda Lyuk Shou Angliya Premyer-ligasida 4 ta o‘yin o‘tkazib, 1 ta golli uzatma berdi.

Angliyalik futbolchining "Manchester Yunayted" bilan amaldagi shartnomasi 2027 yil iyun oyida yakuniga yetadi.