Saudiya Arabistonining «An-Nasr» klubi hujumchisi Joau Feliks Yevropaga qaytish istagida bo‘lsa-da, jamoa rahbariyati portugaliyalik futbolchini qo‘yib yuborish niyatida emas.

Sport nashrining xabar berishicha, 26 yoshli futbolchi Saudiya Arabistonidagi muvaffaqiyatli faoliyatidan so‘ng Yevropaning yetakchi chempionatlaridan birida yana o‘z kuchini sinab ko‘rishni xohlayotganini avval ham bildirgan.

Biroq «An-Nasr»ning yangi prezidenti Feliksni jamoada saqlab qolishga qat’iy bel bog‘lagan. Klub rahbariyati hujumchi bilan shartnomani uzaytirish bo‘yicha allaqachon ish boshlagan.

So‘nggi vaqtlarda Joau Felishning «Barselona»ga qaytishi mumkinligi haqida xabarlar tarqalmoqda. Shuningdek, portugaliyalik futbolchiga Yevropaning boshqa bir qator yirik klublari ham qiziqish bildirayotgani aytilmoqda.

Shunga qaramay, «An-Nasr» o‘zining yetakchi futbolchilaridan biri bilan xayrlashishni istamayapti va uning kelajagini uzoq muddatga klub bilan bog‘lashni rejalashtirmoqda.

Ma’lumot uchun, 26 yoshli Joau Felishning «An-Nasr» bilan amaldagi shartnomasi 2027 yilning yoziga qadar mo‘ljallangan.

Manba ma’lumotiga ko‘ra, Saudiya Arabistoni klubi ushbu kelishuvni yana ikki yilga uzaytirishi mumkin.