"Bavariya" prezidenti Gerbert Xayner "Real Madrid"ning Maykl Olisega qiziqishi haqidagi mish-mishlarga izoh berdi va fransuz qanot himoyachisi Myunxen klubi bilan shartnomasini uzaytirishiga umid bildirdi.
"Bavariya" rahbari klub futbolchini bosim ostida sotish niyatida emasligini ta’kidladi.
"Bavariya" o‘z o‘yinchilarini sotishga majbur bo‘lmagan klub, chunki biz qarorlarni kuchli tomonlar nuqtai nazaridan qabul qilamiz. Maykl Olisening shartnomasi 2029 yilgacha amal qiladi va umid qilamanki, u uni uzaytiradi", dedi Xayner Bild nashriga bergan intervyusida.
"Biz Maykl Olisega ega bo‘lganimizdan juda xursandmiz. U dunyoning eng yaxshi o‘yinchilaridan biriga aylandi. Ishonchim komilki, u bir kun kelib "Oltin to‘p"ni qo‘lga kiritadi - ehtimol bu yil ham".
Olise 2024 yildan beri "Bavariya"da o‘ynab kelmoqda. 115 ta o‘yinda u 50 ta gol urgan va 58 ta golli uzatma bergan.
