Сафарали Сиддиқов
Футбол — спорт қироли!
Янги технологияга катта раҳмат!
| Баҳо: |
+2; -0
|
2000/2001 йиллар мавсумидаги Чемпионлар Лигаси ярим финали. "Валенсия" ва "Лидс" жамоалари дастлабки Англиядаги учрашувда 0:0 ҳисобини қайд этишган. Жавоб ўйини ҳам тенгкурашлар остида кечаётганди. Аммо вазиятлардан бирида "Валенсия" ҳужумчиси Хуан Санчес тўпни қўли билан дарвозага тўғрилаб юборди. Натижада бу гол "Валенсия"га қўшимча қувват бериб, 3:0 ҳисоби билан ғалаба қозонди.
Орадан бир йил ўтиб ЧЛ ярим финалида "Манчестер Юнайтед" ҳам ҳакамларнинг хатолари қурбони бўлди. Дастлабки ўйинни уз уйида ўтказиб "Байер" (Леверкузен) билан 2:2 ҳисобини қайд этган манкунианлар сафарда 1:1 ҳисоби билан "борт" ортида қолиб кетишди. Шуни айтиб ўтиш керакки, "МЮ" сардори Рой Кин зарбасини "Байер" ярим ҳимоячиси бризилиялик Зе Роберто дарвозанинг ичкарисидан олиб чиқиб кетганини ҳакам кўрмай қолди.
Агар ҳозирги голни аниқлаш технологияси ўша пайт ҳам жорий этилганда "МЮ" ўша пайти финалга чиқарди. Кейин 2002 йилги жаҳон чемпионати ўйинларида эса ана шу технологияга бўлган эҳтиёж янада ортиб кетди. Ҳакамлар Италия терма жамоасининг 5 та ҳаққоний голини бекор қилишган бўлса, Жанубий Кореяни "қулоғидан тортиб" ярим финалгача етаклаб боришди.
Чорак финалдаги Испания-Жанубий Корея ўйинини ҳозиргача курган футболларим орасидаги энг расвоси десам қўполлашмаган бўламан. Ўйиндаги испанларнинг инобатга олинмаган голларини қўятурайлик. Корейслар бош мураббийи Гуус Хиддинк учрашув ҳаками мисрлик Гамаль Гандурнинг олдига бориб, "дам олинг, томоқни хўллаб олинг, чарчаб кетдингиз", дегандек бир "баклажка" сув билан "илтифот" кўрсатгани бутун дунёдаги футбол мухлисларининг ғазабини қўзғатгани аниқ. Ёинки ЖЧ-1966 финалида ҳам голни аниқлайдиган технология жуда зарур эди. Канот ҳаками озарбайжонлик Тофиқ Баҳромов номини бутун Англия халқи юксак эҳтиром билан эслаб юрадиган бўлишди. Ўша чемпионатда иштирок этган собиқ Иттифок терма жамоаси ярим финалгача етиб борди. Ўшанда советлар бош мураббийи Николай Морозов "бу натижани якин 50 йилда ҳеч ким янгилай олмайди", деб катта гапирган экан. Унинг бу башоратини 2014 йилги жаҳон чемпионатида Россия терма жамоаси чиппакка чиқариши мумкин. Бу охирги имконият Морозовнинг башорати хато чиқиши учун. Бунинг Россия терма жамоаси ярим финалгача етиб бориши керак ҳозир сиз билан биз томоша қилаётган мундиалда.
Суҳбатимиз ҳакамларнинг хатолари ҳақида эдими? Дарҳақиқат, "қора кийимдагилар" кейинги йилларда футбол мухлисларининг асабини эговлайдиган даражада хатоларга йўл қўйишмокда. Энг ёмони, бу хатолар учрашув натижасига ўз таъсирини кўрсатмоқда.
2005/2006 йиллар мавсумидаги ЧЛ ярим финалидаги "Барселона" -"Милан" ўйинида учрашув ҳаками германиялик Маркус Мерк "Милан" ҳужумчиси Андрей Шевченконинг тоза голини инобатга олмади. Кейин эса Евро-2012 гуруҳ босқичида ҳам голни аниқлайдиган технология жуда зарур бўлиб қолди. Украина-Англия ўйинида инглизлар ҳимоячиси Жон Терри тўпни дарвозанинг ичкарисидан олиб чиқиб кетди. Натижада украинлар гуруҳ босқичидаёқ курашни якунлашди.
ЖЧ-2010даги Англия -Германия ўйинини эсланг. Қайсидир маънода мен буни инглизларга ЖЧ-1966 финалидаги шунга ўхшаш гол учун такдирнинг узига хос "совғаси" дедим. Ўйин 2:1 ҳисобида немислар фойдасига ҳал бўлиб турганда Англия терма жамоаси ярим ҳимоячиси Фрэнк Лэмпарднинг кучли зарбаси аввал тўсинга тегди, кейин дарвозанинг ичига кириб, яна ташқарига чиқиб кетди. Голни аниқлаш учун эса ҳакамларнинг салоҳияти етмади. Ўйинда немислар йирик 4:1 ҳисоби билан ғалаба қозонди.
Ана шундай қилиб футбол тарихидаги айрим дилни хира қиладиган ҳолатларга бир-бир назар ташлаб чиқдик. Янги жорий этилган технология Италия-Коста-Рика ҳамда Франция- Гондурас ўйинларида кўп ойдинлик киритиб берди. Айниқса, Италия- Коста-Рика ўйини тақдирини ана шу компьютер технологияси аниқлаб бергани ҳақиқатан ҳам ҳайратланарли. ЖЧ-2014 батамом хатолардан холи ўтяпти деган фикрдан йироқман. Масалан, ўйиндан ташқари ҳолатни аниқлайдиган технологияни ҳам ўйлаб топишганда жуда соз бўларди. Бразилия-Хорватия ўйинида пенальти шубҳали тарзда белгиланди. Кўпчиликнинг норозилигига сабаб бўлди. Энг қизиғи, голни аниқлайдиган воситани қўллашгандан сўнг ҳеч ким эътироз билдирмаяпти. На у жамоа, на бу жамоа... Ҳамма гол бўлганига 100 фоиз ишонч билдирмоқда. Гап деган бундоқ бўлибди-да.
ФИФА жорий этган қоидалар орасида бундан олдин 2тасини жуда маъқул деб топгандим. Бири дарвозабонга ўз ўйинчиси тўп узатмаслик, иккинчиси эса ўйиндаги тўхталишлар учун қўшимча дақиқалар. Ўтган асрнинг 80-90 йилларида ютаётган жамоа аъзолари тўпни ўз дарвозабонларига шунчалик кўп тўпни қайтаришардики, ўйиннинг ярми ана шу дарвозабонга тўп узатиш билан ўтиб кетарди, десам ҳам бўларди. Эсимда бор, 1991 йил Тошкентда "Пахтакор" Москванинг ЦСКА жамоасини қабул қилган. Ўшанда Москва армиячилари "Пахтакор"нинг кескин ҳужумларига қандай жавоб беришни билмай ўйиннинг охирги 5 дақиқасини ўз дарвозабонларига тўп узатиш билан вақт ўтказишганди.
Ўша учрашувда кимлар майдонда ҳаракат қилганини бир кўриб олинг.
СССР Чемпионати-1991.
"ПАХТАКОР" (Тошкент) – ЦСКА (Москва) - 0:0
Тошкент. "Пахтакор" стадиони. 30000 томошабин. 31.08.1991.
Ҳакам В. Пьяних (Донецк)
"Пахтакор": Перескоков, Узоқов, Магомедов, Қосимов, Денисов, Шарипов, Бондаренко, Пятницкий, Синелобов (Мақсудов, 66), Шквирин, Квиткаускас (Маъруфалиев, 59).
Бош мураббий: Аҳрол Иноятов.
ЦСКА: Харин, Д.Кузнецов, Колотовкин, Бистров, Фокин, Малюков, Корнеев (Масалитин, 83), Брошин, Иванов (О.Сергеев, 72), Татарчук, Дмитриев.
Бош мураббий: Павел Садирин.
Кейин эса ўйиндаги тўхталишлар учун қўшимча вақтлар ЖЧ-1998дан бошлаб жорий қилинди. ЖЧ-1994даги Жанубий Корея-Боливия ўйинини биламан. Ўшанда биринчи бўлим 51 дақиқа, иккинчи бўлим эса 54 дақиқа давом этганини куриб, барча мухлис ва мутахассислар "бу футболми ёки бошқа спорт тури?" дейишгача борганди. Ўйиндаги тўхталишлар учун қўшиб берилган дақиқалар эса жанговарликни оширди, ўйинларнинг қизиқарли ўтишини таъминлаб берди. ЧЛ-1999 финалида "Манчестер Юнайтед" қўшиб берилган 3 дақиқада 2 та гол киритиб, қандай мўъжиза яратганини бир эсланг. Ёки ЧЛ-2014 финалида "Реал" ҳимоячиси Серхио Рамос қўшимча дақиқаларда қандай гол киритди. Мана сизга жозиба. Голни аниқлайдиган технология ҳам футбол учун куп нарсаларни беради, деб қурқмай айтишимиз мумкин.
Жаҳон чемпионати ҳам қизғин паллага кирди. Масалан, менда Италия-Англия, Уругвай-Англия, Аргентина-Эрон, Италия-Коста-Рика, Голландия-Австралия, Голландия-Испания, Германия-Гана, Кот'Д Ивуар-Колумбия ўйинлари жуда катта таассурот қолдирди. Ҳамюртимиз Равшан Эрматов ҳам чемпионатдаги иккита баҳсни жуда юқори савияда бошқарди. Равшан аканинг бундан кейинги ишларига ҳам омад тилаймиз. Сўзимнинг якунида барчангизга соғлик-саломатлик тилаб, жаҳон чемпионатини мароқ билан томоша қилишларингизни истаб қоламан. Дунё юлдузлари ижросидаги бетакрор санъат асарларидан ҳаммамиз завқ олайлик. Ҳакамларнинг ҳам ишларига омад тилаймиз. Кўришгунча хайр, азизларим!
Сафарали СИДДИҚОВ
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 WRBEIRQX  |
Сана: 06.08.2024 04:42. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 04:42. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 04:39. WRBEIRQXга ёзиш |
+0; -0
|
|
1
|
|
WRBEIRQX |
Сана: 06.08.2024 04:39. WRBEIRQXга ёзиш |
+0; -0
|
|
1
|
 OAMEN |
Сана: 24.06.2014 14:13. OAMENга ёзиш |
+0; -0
|
|
0
|
 BAXAFIFA |
Сана: 24.06.2014 12:32. BAXAFIFAга ёзиш |
+0; -0
|
|
0
|
21.jpg) ERKAK |
Сана: 24.06.2014 12:10. ERKAKга ёзиш |
+0; -0
|
|
0
|
 BEGZOD |
Сана: 24.06.2014 10:57. BEGZODга ёзиш |
+0; -0
|
|
0
|
 DINAZAVR |
Сана: 24.06.2014 10:15. DINAZAVRга ёзиш |
+0; -0
|
|
0
|
 MANREDUZ  |
Сана: 24.06.2014 09:57. MANREDUZга ёзиш |
+0; -0
|
|
0
|
|
MANREDUZ |
Сана: 24.06.2014 09:56. MANREDUZга ёзиш |
+0; -0
|
|
0
|
МУАЛЛИФНИНГ БОШҚА МАҚОЛАЛАРИ
- Замбаракнинг ўқи
- Ғолибликнинг машаққатли йўли
- ЕЧЛ: Олтин авлодлар тўқнашуви
- ЖЧ-2018. Ғолиблик йўли
- Мундиаллар жозибаси
- Италиясиз мундиал ёхуд Швеция грандлар кушандасими?
- Бузоқнинг югургани сомонхонагачами?
- Ўта омадсиз
- Кетма-кет ЕЧЛни ютишни «Реал» уддалайдими?
- «Юве»нинг таянч қуроли
- Натижа тарихда қолади
- Эски ҳаммом, эски тос
- «Камбэк» — футбол безаги
- Сафарали Сиддиқов: ПСЖ учун муносиб жазо!
- Серхио Рамос — тўқсон-плюс
- Кимларнидир хушнуд этди бу голлар
- Шундай имкониятни бой берганмиз
- Ёлғон ғалаба!
- Бизнинг услуб
- Энг кучли футбол триолар
- Лаънати дарвоза устуни ва тўсини
- Биз финалда ўйнашимиз мумкин эди
- Бировнинг ҳақи буюрмас
- Бу — бизнинг Ватан олдидаги бурчимиз!
- Нимчорак финал охирги манзил бўлмасин
- Бу сафар «Ювентус» ютадими?
- Ярим финал жавоб ўйинлари олдидан: «Барса» кейинги босқичга чиқдими?
- Мард майдонда синалади
- Мухлислар учун ўйнанг
- Фақат футбол ўйнайлик ва томоша қилайлик!
- Истеъдодларни қандай қилиб қадрлаш мумкин?
- Қозонда бори чўмичга чиқади
- Жанубий Кореяни ютса бўлади
- Футбол лотереяси омадсизлари ёхуд Германия ва Аргентинанинг ЖЧдаги навбатдаги тўқнашуви
- ЖЧ-2014. Ярим финалда ҳам эски танишлар
- ЖЧ-2014. Чорак финал. Азалий рақиблар тўқнашуви
- Мундиални кузатиб...
- Янги технологияга катта раҳмат!
- Антиқа чемпионат
- Мундиалга боролмаган Радамель Фалькао
- «Реал» - «Атлетико» тўқнашуви: бу сафар ким ғолиб?
- Чемпион бўлолмаган «Ливерпуль» (2-қисм)
- Чемпион бўлолмаган «Ливерпуль» (1-қисм)
- ЕЧЛ финалида ким фаворит?
- Жанжалли эл-классико!
- Футбол қаҳрамонлари-2 (2-қисм)
- Футбол қаҳрамонлари-2 (1-қисм)
- Футбол қаҳрамонлари
- Бизга ҳозирча «0+3» кўринишидаги квота керак
- Бу — мен билган «Пари Сен-Жермен» (2-қисм)
- Бу — мен билган «Пари Сен-Жермен»
- 2014 йил Бразилия учун омадли келадими ёхуд 1950 йилга саёҳат
- Унутилмас учрашувлар. 2-қисм
- Унутилмас учрашувлар. 1-қисм
- «Таркибингизда сотқин йўқ экан!»
- «Барселона»нинг биринчи ғалабаси
- Капелло ва «Милан»нинг мўжизалари
- Миллат фожиаси
- Истеъдодларни қадрланг!
- Бразилияга боришимиз шарт!
- Аламзада «Марсель»нинг шонли ғалабаси
- Омад ва омадсизлик
- Дастлабки финал!
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
