Доҳа, 16 март - "Локомотивнинг" кечки машғулотлари давомида, Шимолий Америка ва Араб дунёсида етакчи спорт телеканалларидан бири ҳисобланган "beIN Sports" журналисти Руслан Корян ва Тимур Кападзедан интервью олди.
Телеканал вакиллари асосан эртанги ўйин олди ҳиссиётлар ва ўйинчиларнинг саломатлиги борасида қизиқишди.
Руслан Корян: "Мен илк бора бу минтақага қадам кўйдим, ўйлайманки, қадамим қутлуғ келиб, эртанги ўйинда гол уришга муваффақ бўламан. Жамоам ғалаба қозонишига ишонаман".
Тимур Кападзе: "Жамоада енгил жароҳат олган ўйинчилар бўлиши мумкин, бироқ биз 100% ҳам руҳан, ҳам жисмонан ўйинга тайёрмиз. Эртанги учрашувда буни исботлашга ҳаракат қиламиз. Рақибимиз "Ал-Саддни" ҳурмат қиламиз".
Вадим Абрамов: "Жамоам кучига ишонаман, бироқ эртанги ўйин қандай натижа билан тугашини Аллоҳдан бошқаси билмайди. Ўйлайманки, омад биз томонда бўлади, юртдошларимиз дуоси ва қувватлашига умид қиламиз".
