“Бунёдкор” – “Лахвия” учрашувидан кейинги матбуот анжуманида биринчи бўлиб қатарликлар устози иштирок этди.

- Учрашув яхши ўтди. Ғалаба қозонганимиздан жуда хурсандман. Муҳим ғалабага эришдик. Биз тактик жиҳатдан тўғри ўйнадик, десам муболаға бўлмайди. Тўғри, рақибга голли вазиятлар содир этиш учун имкон бердик. Лекин умумий қилиб айтадиган бўлсам, ғалаба учун барча чораларни ишга солиб, уч очко эгасига айландик. “Бунёдкор”ни бўш ўйнади, демаган бўлардим. Чунки жамоа сўнгги сонияларгача майдоннинг ҳар бир нуқтасида кураш олиб борди. Уларнинг жисмоний ҳолати жуда яхши экан. Шу боисдан ҳам охирги дақиқаларда ҳам ҳужумкорликни сира ҳам тўхтатишмади. “Лахвия”нинг бир қатор футболчилари жароҳатланган. Шунинг учун ҳам ички имкониятларимиздан келиб чиқиб таркиб ва тактика танлаяпмиз. Ҳали олдинда яна учта ўйин бор. Айтмоқчиманки, ҳали гуруҳимизда кўп нарса ўзгариб кетиши ҳам мумкин, - дейди Микаэль Лаудруп.