Қатарнинг "Ас-Садд" клуби бош мураббийи Ҳусайн Амотта "Локомотив" дарвозасига 6та гол урилишини кутмаганини таъкидлаб ўтди.
"Сўнгги пайтларда футболчилар босим остида қолишганди. Шу боис, бугунги ғалабадан хурсандман. Футболчилар тезда ўзларига келиб олишди ва керакли пайтда ғалабани қўлга киритишди.
Биз дастлабки 4та имкониятдан 3тасида "Локомотив" дарвозасини ишғол қилдик. Рақибга ҳужумга берилиб кетгани учун биз имкониятлардан фойдаландик. Натижада йирик ҳисобда ғалаба қозондик ва гуруҳ пешқадамлигини сақлаб қолдк. Бугунги ўйин учун футболчиларга миннатдорчилик билдираман.
"Локомотив"нинг "Ал-Ҳилол"га қарши ўйинини ўрганиб чиққандик. Улар яхши ўйин кўрсатишганди, очиғи, улардан қўрққандик. Ўша ўйиндан тўғри хулоса чиқардик. Аммо олтита гол уришимизни кутмагандим.
Ушбу ғалаба бизга плей-оффга чиқиш вазифасини 70 фоизга ҳал қилиш имкониятини берди. Лекин биз ҳаддан ташқари оптимизмга берилиб кетмаймиз. Кейинги ўйинни "Локомотив" майдонида ўтказамиз. Бизга осон бўлмайди", - дейди Ҳусайн Амотта.
