"Пахтакор" - "Ал Айн" учрашувидан кейинги матбуот анжуманида мураббийлар учрашув ҳақида фикрларини билдириб ўтишди.

Самвел Бабаян ("Пахтакор" бош мураббийи): - Бугун яхши ўйин бўлди. Мухлислар ҳам ўйинни кўриб зерикиш қолишмади деб ўйлайман. Афсуски, ғалаба қозона олмадик ва мағлуб бўлдик. Бунинг учун мухлислардан узр сўрайман. Ўйиндан келиб чиқиб шуни айтиш мумкинки, бугун мағлубиятга лойиқ эмасдик. Лекин яратилган вазиятларни голга айлантира олмадик. Бу борада ҳали кўп ишларни олиб боришимиз лозим.

Ҳимояда муаммолар бор ва буни ҳал қилиш устида ишлаяпмиз. Учрашув сўнггида Егор Кримец ўзини алмаштириш кераклигини сўради. Унда кичик жароҳат бор эди. Лекин захирамиз қолмагани сабабли охиригача ўйнашини сўрадик.