ОЧЛ гуруҳ босқичининг "Ал Аҳли" (Дубай) - "Насаф" клублари ўртасидаги учрашувдан (0:0) сўнг ўтказилган матбуот анжуманида қаршиликлар бош мураббийи Рўзиқул Бердиев журналистларнинг саволларига жавоб берди.

Рўзиқул Бердиев: "Ўйин оғир бўлди. Кўпроқ қисмини ҳимояда ўтказдик. Ўйинга тактикамиз кўпроқ ҳимояланиш эди. Кучли рақиб билан очиқ футбол ўйнаб бўлмайди. Устунлик уларда бўлди. Биздаям имконият бўлди. Кучли рақиб майдонида дуранг уйнаш биз учун қониқарли деб айтиш мумкин.

Иккала жамоада ҳам имкониятлар бўлди. Дурангни омадга боғлаш керак эмас. Биз яхши ҳимоялана олдик. Натижадан қониқдик. Қўшимча сифатида айтиш мумкин: гуруҳда барча жамоада кейинги босқичга чиқиш имконияти бор. Мақсадимиз кейинги босқига чиқиш. Бу осон бўлмайди. Чунки рақибларимиз жудаям кучли.

Қаршидаги баҳсда ҳужумкор ўйнаймиз. Бугун ўз уйинмизни кўрсата олмадик. Об-ҳаво ҳам анчагина иссиқ эди".