22 март куни бўлиб ўтадиган “Локомотив” – “Нефтчи” учрашувидан олдин, “Нефтчи” ПФК матбуот хизмати жамоанинг тайёргарлиги ва эртанги ўйинга қандай вазифалар қўйилганлиги хақида жамоа бош мураббийи М.Исмоилов ва жамоа сардори А.Холматовдан қисқа интервью олди.

Мурод Исмоилов: "Энг аввало, жамоамиз раҳбарияти, мураббийлар ва футболчилари номидан бутун Фарғона футбол мухлисларини халқимизнинг янгиланиш байрами  – “Наврўз” билан табриклаб, уларга барча орзу-ҳаваслари ижобат бўлишига тилакдошман. 

- “Локомотив”  ҳозиргача ўз майдонида  “Нефтчи” билан 10та  учрашув ўтказиб, ундан 7тасида ғалаба қозонган. 22  мартда бўладиган ўйинга тайёргарлик хусусида гапириб  берсангиз.

Мурод Исмоилов: - Биз ҳар бир ўйинга фақат ғалаба учун майдонга тушамиз. Жамоаларни ҳаммасини бирдек кўрамиз ва тайёргарлик ҳам шунга муносиб бўлади. Жамоа учрашувга тайёр, йигитларни ўйинга алоҳида йўналтириш  шарт эмас. Футболчилар юқори савияда ўйнашга шай бўлиб туришибди. “Локомотив”  ҳар қандай ҳолатда ҳам юқори савияда ўйинашга қодир, кучли жамоа. Маълумки, “Нефтчи” чемпионатимизда ёшларга асосланган жамоаларда бири. Ҳозирда 5та асосий  футболчимиз Олимпия терма жамоаси ихтиёрида ва биз 1-турда бўлганидай, ҳозир ҳам оптимал таркибда майдонга туша олмаяпмиз. Лекин шунга қарамай, “Локомотив” билан бўладиган учрашувда барча маҳоратимизни ишга соламиз ва яхши натижа кўрсатиш учун харакат қиламиз.

- Акмал сиз яқингача “Локомотив”да асосий ўйинчилардан бири бўлиб келгансиз. Жамоанинг  шу кунларда  ўйинлари унчалик қовушмаётгандай. Эртанги учрашув хақида нималар айта оласиз?

Акмал Холматов – “Локомотив” жамоси хақида ортиқча гапиришни ҳожати йўқ. Жамоа яқинда Ўзбекистон Суперкубогини қўлга киритди. Жамоа сўнги учрашувларида натижа кўрсатаолмаётгани, бу ўткинчи ҳол. Қолаверса бу уларнинг муаммоси.  Мен ўз жамоамиз ҳақида  гапира оламан. Йигитлар ҳар томонлама учрашувга яхши тайёргарлик кўришган  ва эртага майдонга фақат ғалаба учун тушишга шай.  Футбол мухлисларини ишонтириб айтаманки, учрашув юқори савияда ўтади.