"Челси" бош мураббийи Жозе Моуриньо Англия чемпионатининг 30-турида "Халл" билан учрашувдан сўнг (3:2) нима учун Диего Костани алмаштирганини маълум қилди.
"У сонидан жароҳат олди. Бу ўйинларда ҳужумчи 100 фоиз куч билан ўйнаш талаб этилади, аммо Диего ўйинни давом эттиролмаслигини айтди, биз уни алмаштирдик.
У чемпионлар лигасида "Атлетико" сафида ўйнашга уриниб, худди шундай жароҳат олган эди. Унинг сонида муаммо борлигини биламиз. Диего бу борада ишламоқда, аммо жароҳат хавфи ҳар доим бўлади. Бизда Реми ва Дрогба бор, шунинг учун жароҳатлардан нолимаймиз", - дейди Моуриньо.
