Олий лиганинг 2-туридан ўрин олган "Локомотив" - "Нефтчи" (1:1) баҳси якунига етгач, ҳар икки жамоа мураббийлари иштирокида матбуот анжумани ташкил қилинди. Дастлаб "Нефтчи" устози Мурод Исмоилов ўз фикрларини билдирди:
"Биз бугун кучли футболчилардан иборат клубга қарши ўйнадик. Ва бу ўйиндаги дуранг натижа бизни қониқтирди. Жамоамизнинг ҳозирги кучидан келиб чиққан ҳолда ҳимоявий тактика танладик ва бундан асло уялмоқчи эмасман.
Бир томондан олиб қараганда, омад ҳам бугун кўпроқ биз томонда бўлди, йўқса майдон эгалари ғалаба қозониб кетишлари ҳам мумкин эди".