Бугун Жанубий Корея терма жамоаси Пажу шаҳридаги терма жамоа базасида машғулотлар ўтказди. Режага кўра, эртага терма жамоа Ўзбекистон билан ўйин ўтказиладиган Теджон шаҳрига йўл олади.
Бугун маълум бўлишича, Германиянинг "Аугсбург" клуби хужумчиси Жи Донг Вон Бундеслигадан жароҳат олган ҳолда етиб келган. Бу ҳақда бош мураббий Ули Штилике:
"Жи Донг Воннинг жароҳати жуда оғир эмас. Аммо у Ўзбекистон билан ўйингача тайёр бўлмайдиганга ўхшаяпти", дея "Кукмин Илбо" газетасига маълум қилди.
Бундеслига ҳавосидан баҳра олган ҳужумчи 27 мартгача сафга қайта олмаса, Ўзбекистон билан ўйинда олдинги чизиқда Ли Жонг Хёб ҳаракатланади. У Жанубий Корея биринчи дивизионидаги "Сангжу Сангму" армия клуби аъзоси ҳисобланади.
Отабек Йўлдошев
Жанубий Корея, Сеул
