Ўзбекистон олимпия терма жамоаси 27 март куни Бангладешда Осиё чемпионати йўлланмаси учун саралаш босқичини бошлайди. Терма жамоамиз 20 март куни Бангладешга етиб борган бўлса, кеча маҳаллий клубларидан бири "Абахани" билан назорат учрашувида майдонга тушди. Ўйинда ҳисоб очилмади. Учрашувдан сўнг жамоамиз бош мураббийи Бахтиёр Ашурматов маҳаллий матбуот вакилларига ўз фикрларини билдириб ўтди.
"Ушбу ўйин натижаси аҳамиятга эга эмас. Шогирдларимнинг барчаси майдонга чиқиб, ўйнашга тайёр эканидан хурсандман. Бугунги ўйин футболчиларга фойдали бўлди. Маҳаллий иқлимга мослашиш учун Бангладешга эртароқ ташриф буюрдик. Асосий ўйинлар бошланишига 3 кун вақт қолди. Муҳим ўйинлар олдидан иқлимга тўла мослашиб оламиз деган умиддаман", - дейди Бахтиёр Ашурматов.
