"Милан" ва "Интер"нинг собиқ устози, "ПСЖ"нинг собиқ спорт директори Леонардо яқин вақтлар ичида футболга қайтмоқчи.
2013 йилнинг май ойида Леонардо ҳакамни туртгани учун 9 ойга дисквалификация қилинган ва "ПСЖ" спорт директорлигидан кетган эди. Кейинроқ бу муддат 14 ойгача узайтирилди. Аммо 2013 йилнинг октябрь ойида суд унинг дисквалификациясини бекор қилди.
"Телефон қўнғироғини кутяпман. Бу ҳозир эмас, бир неча ой ўтиб - май охирларида рўй бериши мумкин. Кутяпман. Мен бир йўла бир нечта йўналишларда ишлай оламан.
Ҳакамни бекор туртганман. Бу фаолиятимдаги қора нуқтадир, аммо кичик эпизод, холос", - дейди Леонардо.
