Бугун, 31 март куни Миржалол Қосимов бошчилигидаги Ўзбекистон миллий терма жамоаси Япония термасига қарши ўртоқлик учрашувини Чофу (Chōfu) шаҳридаги "Адзиномото" стадионида ўтказади.
Вакилларимиз шу вақтга қадар ушбу "кунчиқар юрт вакиллари" билан 9 марта тўқнаш келишган ва шулардан атиги биттасида ғалаба қозонишган. (3 дуранг, 5 мағлубият). тўплар нисбатига кўра, ҳам японлар катта фарқ билан устунлик қилмоқда. 23-8.
Бу жамоаларнинг ўтказган сўнгги 4 учрашувида терма жамоамиз 1 марта мағлубият, 2 дуранг ва 1 бор зафар қучган. 2012 йил 29 февралда Нагоя шаҳридаги ўша тарихий ғалаба Ўзбекистон термасининг Япония устидан қозонилган ягона мувафаққияти ҳисобланади. Бу учрашувдаги ягона голга термамизнинг собиқ аъзоси марҳум Александр Шадрин муаллифлик қилган эди.
Япония - Ўзбекистон - 0 : 1. (29.02.2012. ЧЖ-2014 саралаши)
Эслатиб ўтамиз, 27 март куни Ўзбекистон терма жамоаси Тэжон шаҳридаги “Daejeon World Cup” cтадионида Жанубий Корея термасига қарши ўртоқлик учрашувида майдонга тушиб, 1:1 ҳисобидаги жанговар дурангга имзо чеккан эди.
