"Ювентус" клуби спорт директори Павел Недвед туринликлар Чемпионлар лигаси чорак финалида Бундеслига ва Ла лига етакчилари билан тўқнаш келмаганидан хурсанд эканини яширмади. "Кекса синьора" чорак финалда "Монако" билан баҳс олиб борадиган бўлди.
"Ҳозирги кунда Европанинг энг кучли икки жамоаси — "Барселона" ва "Бавария" билан тўқнаш келмаганимиздан хурсандман. "Реал" эса бир йил аввалгидан фарқли равишда ҳозир юқори формада эмас. Лекин барча нарса бир пасда ўзгариб кетиши мумкин.
Бизга янада номдор рақиб тушиши мумкин эди, аммо "Монако"ни менсимаслик керак эмас. Улар ўз уйларида мусобақадан чиқиб кетишлари мумкин эди, аммо "Арсенал"га қарши Лондонда бўлиб ўтган ўйинда яхши таассурот қолдиришди", - дейди Недвед.
