17 ёшли испаниялик ўсмир полиция томонидан Испания кубоги учун “Атлетик” ва “Барселона” ўртасида бўлиб ўтадиган финал учрашуви куни теракт уюштирилиши хавфи туфайли қўлга олинди, деб хабар бермоқда Goal.com.
Испаниянинг Мурсия провинциясидаги Молина-де-Сегура шаҳрида яшовчи бу ўсмир 25 март куни ижтимоий тармоқларда кубок финалида “Камп Ноу”да бомба қўйишини айтган, бироқ кейинроқ ўз хабарини ўчириб ташлаган. Ўсмирга қандай жазо қўлланиши маълум қилинмаган.
Финал 30 май куни бўлиб ўтади.