Италиянинг “Милан” жамоаси раҳбари Сильвио Берлускони 75 фоизлик акция хитойлик ишбилармонларга сотилгани ҳақидаги маълумотни тасдиқлади.
Шартноманинг барча бандлари ошкор қилинмаган, лекин Берлусконининг қизи Барбара жамоанинг бош директори сифатидаги лавозимини сақлаб қолгани айтилмоқда.
“Жамоанинг 75 фоизлик акцияси сотиб бўлинган. Бир қанча вақтдан кейин тафсилотлар билан танишишингиз мумкин”, дейди Берлускони Askanews.it нашрига барган интервьюсида.
Маълумот учун, “Милан” жамоаси бир неча йиллардан бери аввалги мавқеини тиклай олмаяпти. “Россонерилар” охирги марта 2010-2011 йилги мавсумда чемпион бўлишган эди.