“Интер” раҳбарияти ёзги трансферлар ойнаси вақтида “Манчестер Сити” ярим ҳимоячиси Яҳё Туре билан шартнома имзолашни жиддий ўйлаб кўрмоқда.

Daily Mail нашрига таяниб “СЭ”нинг хабар қилишича, миланликлар ивуарлик футболчига 5 йиллик шартнома таклиф қилишга тайёрлар. Унга қанча маош таклиф қилиниши хабар қилинмади. Айни вақтда 31 ёшли хавбек ҳафтасига 300 минг евро маош олади. Олдинроқ “қора-кўклар” устози Роберто Манчини ўз жамоаси таркибида Яя Турени кўриш истагида эканлигини билдирганди.

Жорий мавсумда ярим ҳимоячи “Манчестер Сити” таркибида барча турнирларда 32 ўйинда майдонга тушиб, 8та тўп киритди ва битта голли пас берди.