Франциянинг "Марсель" клуби ҳужумчиси Андре-Пьер Жиньяк Англиянинг "Вест Бромвич" клубига кўчиб ўтиши мумкин.
Маълумотларга кўра, амалдаги шартномаси ёзда якунланадиган франциялик футболчини "Вест Бромвич" бош мураббийи Тони Пьюлис ўз жамоасига таклиф қилишни режалаштирган. "Вест Бромвич" ҳужумчига ҳафтасига 75 минг фунт маош тўлашга рози.
Эслатиб ўтамиз, Жиньяк Киевнинг "Динамо" клубига ўтишга розилик бергани ҳақида маълумотлар пайдо бўлган эди.
Маълумот ўрнида, Андре-Пьер Жиньяк ушбу мавсумда "Марсель" сафида 31та учрашувда майдонга тушиб 18та гол урган.