"Интер" вице-президенти Хавьер Занетти клубга Массимо Мораттининг қайтиши ҳақидаги миш-мишларга ажабланганини маълум қилди.
Унинг сўзларига кўра, "Интер"нинг собиқ хўжайини ҳеч қаерга кетгани йўқ, чунки клуб акцияларининг 29,5 фоизи унга тегишли. Моратти 1995 йилдан 2013 йилгача, яъни Эрик Тохирга сотгунича клуб хўжайини бўлган.
"Биз Тохир билан янги йўллар очяпмиз ва шу руҳда давом этмоқчимиз. Бирмунча ийинчиликларга учрадик, аммо бу мақсадларимизга етишда ҳалақит бермаслиги керак. Бу мақсад - "Интер"ни юқори савияга олиб чиқиш.
Мораттининг қайтиши ҳақидаги миш-мишлар мени ажаблантирди, у ҳамон клубда", - дейди Занетти.
