"Реал" клуби раҳбарияти "Райо Вальекано"га қарши учрашувда огоҳлантирилган жамоа ҳужумчиси Криштиану Роналдунинг сариқ карточкасини бекор қилишга эришмоқчи.
As хабарига кўра, бош мураббий Карло Анчелотти ва ўйинчининг ўзи жазога рози, аммо клуб аппеляция бермоқчи.
Бу огоҳлантириш португалиялик футболчининг бу мавсумдаги бешинчиси эди, шу сабабли у "Эйбар"га қарши учрашувни ўтказиб юборади.
Эслатиб ўтамиз, карточкалар тўпланиб қолгани сабабли жамоа яримҳимоячиси Гарет Бэйл ҳам "Эйбар"га қарши ўйинда қатнаша олмайди.