Тошкент, 10 апрель - "Локомотив" олий лигада навбатдаги тур учрашувини 13 апрелда ўтказади. Шу куни "темирйўчилар" "Локомотив" стадионида "Бунёдкор"ни қабул қилишади.
Олий лига. 4-тур
13 апрель. "Локомотив" стадиони. 16:00
«Локомотив» (Тошкент) – «Бунёдкор» (Тошкент)
Ҳакамлар: Р. Эрматов, А. Расулов, Ж. Саидов, Д. Каримов.
Назоратчи: Б.Галеев.
“Бунёдкор” ва “Локомотив” олий лигада 14 бор ўзаро тўқнаш келишган. Ўзаро ўйинлардаги натижалар “қалдирғочлар”нинг устунлигини кўрсатмоқда.
“Бунёдкор” бу рақибини 8 марта мағлуб этган. 4та ўйинда дуранг қайд этилган. “Локомотив” ҳозирча “Бунёдкор”ни 2 марта мағлуб эта олган. “Бунёдкор” ўзаро ўйинларда 25та гол урган, “Локомотив” футболчилари эса 14 марта ҳамшаҳарлари дарвозасини ишғол этишган. “Бунёдкор” ўзаро ўйинларда 28 очкога эга бўлган, “темирйўлчилар” ҳисобида 10 очко бор. “Бунёдкор”нинг ўзаро ўйинлардаги энг йирик ғалабаси 4:0га тенг. “Локомотив”нинг энг йирик ғалабаси – 3:1.
Ўтган мавсум “Бунёдкор” майдонида ташкил этилган баҳсда дуранг қайд этилган. Олександр Пишурнинг биринчи бўлимда урган голига Фарҳод Тожиев жавоб берган – 1:1. “Локомотив” мезбон бўлган учрашувда Забиҳилло Ўринбоев ҳисобни очган. Тайм сўнггида Фарҳод Тожиев пенальтидан гол уриб ҳисобни тенглаштирган. Иккинчи бўлимда “Бунёдкор”нинг сербиялик легионери Иван Милошевич тўп киритиб “қалдирғочлар”га ғалаба келтирган - 1:2.
“Локомотив” майдонида ўтган барча учрашувлар:
03.12.2007 «Локомотив» - «Бунёдкор» 2:1
03.10.2008 «Локомотив» - «Бунёдкор» 2:3
04.04.2009 «Локомотив» - «Бунёдкор» 0:2
09.04.2010 «Локомотив» - «Бунёдкор» 0:4
08.10.2012 «Локомотив» - «Бунёдкор» 3:1
05.08.2013 «Локомотив» - «Бунёдкор» 1:1
28.08.2014 «Локомотив» - «Бунёдкор» 1:2
Ўзаро ўйинлардаги факт: “Локомотив” майдонида бўлиб ўтган 7та ўйиннинг тўрттасида меҳмонлар ғалаба қозонган. Битта учрашувда дуранг кузатилган. “Темирйўлчилар” ўз уйларида икки марта зафар қучишган.
