"Арсенал"нинг собиқ футболчиси Робер Пирес "канонирлар" яримҳимоячиси Месут Ўзил ҳақида илиқ фикрлар билдирди.
Ўзил бу мавсум АПЛнинг 15 учрашувида 4 гол урди ва 5 голли узатма оширди.
"Ўзил ўзининг танқидчиларига муносиб жавоб бера олганидан жуда хурсандман. Уни мавсум давомида ва умуман, Лондонга келганидан буён танқид қилишмоқда. Мен у билан доим бирга шуғулланаман ва айтишим мумкинки, у - мен кўрган футболчилар орасида энг яхшилардан бири.
У "Арсенал"ни жуда севади. У жамоа билан совринлар ютиб, мухлисларни хурсанд қилмоқчи", - дейди Пирес.