Италия-Хитой савдо палатаси президенти ўринбосари Фу Исян “Милан” футбол клубини Сильвио Берлусконидан сотиб олиш режалаштирилаётганини маълум қилди.

Унинг айтишича, жамоани сотиб олишга Хитойнинг тўртта компания даъвогарлик қилмоқда, булар ичимлик ишлаб чиқарувчи Wahaha, Хитойнинг энг йирик девелопери Wanda, техногигант Huawei, электрон тижорат билан шуғулланувчи Alibaba компанияларидир. Шунингдек, Таиланднинг номи зикр этилмаган бир компанияси жамоага харидор бўлиб турибди. Huawei бренди аллақачон жамоа билан ҳамкорлик қилмоқда.

Kun.uz порталининг Football Italiya нашрига таяниб хабар қилишича, Хитой компанияларидан бири жамоани сотиб олган тақдирда “Милан” акциялари мухлисларга сотилиши мумкин. Фу Исяннинг эътироф этишича, Хитойда бу жамоанинг акциясини сотиб олишга тайёр 500 минг мухлис топиш қийинчилик туғдирмайди.

Спорт нашрларида ёзилишича, Сильвио Берлускони жамоани сотишдан 1 млрд евро ишламоқчи.