“Ювентус” бош мураббийи Массимилиано Аллегри Чемпионлар Лигаси 1/4 финалидаги “Монако”га (1:0) қарши биринчи ўйиндан кейин бу қарама-қаршиликда биринчи ўринда томошабоп ўйин эмас, натижа туришини айтиб ўтди.
- Мен шубҳасиз учрашув натижасидан қониқдим, - деб La Gazzetta dello Sport нашрига таяниб “СЭ” Аллегрининг сўзларидан келтирмоқда. – Уйимиздаги ўйинда ютқазмаслик муҳим эди. Шундай бўлса ҳам ярим финалга чиқиш масаласини ҳал қилдик дейишга эрта.
Зерикарли ўйин? Агар вақтичоғлик қилишни истасангиз, циркка боринг. Бизнинг битта вазифамиз бор – ярим финалга чиқиш. Бу биз учун енгил сайр бўлади, деб ўйлаганлар адашишди.
