Мадриднинг «Атлетико» клуби ярим ҳимоячиси Антуан Гризманн Мюнхеннинг «Бавария» клуби қизиқишлари доирасига тушиб қолди, дея ёзади «Bild» нашри.
Немис манбасининг хабар беришича, мюнхенликлар ҳозирда «ПСЖ» ҳам қизиқаётган Гризманннинг ўйинларини кузатиб боришмоқда. Жамоа шунингдек, Гризманндан ташқари «Вольфсбург» яримҳимоячиси Кевин Де Брюйнени ҳам кўз остига олган.
Маълумот учун, Антуан Гризманнинг «Атлетико» билан амалдаги шартномаси 2020 йилда ниҳоясига етади. Унинг трансфери 35 миллион еврога баҳоланмоқда.
Эслатиб ўтамиз, француз футболчиси жорий мавсумда «матрасчилар» сафида 30 учрашув ўтказиб 18 бор рақиблар дарвозасини ишғол қилишга ва 3та голли узатмани амалга оширишга улгурган.
