«Барселона» ярим ҳимоячиси Педро Родригес «Интер»га ўтишга яқин турибди. 27 ёшли футболчи миланликлар билан шахсий шартнома борасида келишувга эришди, дея хабар беради Goal.com.
Манбага кўра, «Барселона» Педронинг трансфери учун 16,5 миллион евро олади.
Эслатиб ўтамиз, ярим ҳимоячи каталонияликлар сафида кам ўйин амалиётига эга бўлаётганидан қониқиш ҳосил қилмаётганди. Аввалроқ Педрога «Ливерпуль» ва «Арсенал» ҳам қизиқаётгани ҳақида хабарлар тарқалганди.
Испания чемпионатининг ушбу мавсумида 29та ўйинда майдонга тушиб, уларда 5та гол урди ва 5та голли узатмани амалга оширди.
