"Барселона" раҳбарияти "Ювентус" ярим ҳимочиси Пол Погбани харид қилиш учун янада жиддийроқ курашмоқчи. Бу ҳақида championat.com Marca нашрига таяниб хабар берди.
Аммо ишни футболчининг талаби қийинлаштирмоқда. Погба каталон клубидан йилига 12 млн евро маош талаб қиляпти.
Агар испан гранди бу шартга кўнса, у ҳолда Погба Лионель Мессидан кейин жамоада энг кўп маош олувчи иккинчи ўйинчига айланади. Бу эса унинг Неймар, Суарес ва Иньестадан ҳам кўпроқ ҳақ олишини англатади.
"Кўк-анорранглилар" 22 ёшли футболчининг бу шартини қабул қилмоқчи эмас. Шу боисдан ҳам каталонияликлар Погбани камроқ маошга кўндиришга уриниб кўрмоқчи.
