Тошкент, 19 апрель - Хабарингиз бор, 21 апрель куни "Локомотив" ўз майдонида ОЧЛ доирасида Саудия Арабистонининг "Ал-Ҳилол" клубини қабул қилади. Бугун кечқурун саудияликлар юртимизга етиб келишади.
Эртага, яъни 20 апрель куни ҳар иккала жамоа бош мураббийлари иштирокида ўйинолди матбуот анжумани бўлиб ўтади. "Локомотив" стадионида ташкил этиладиган матбуот анжумани соат 12:00да бошланади. Матбуот анжуманида дастлаб "Ал-Ҳилол" бош мураббийи бир нафар футболчи билан иштирок этади. Ундан кейин "Локо" устози Вадим Абрамов ҳамда жамоамизнинг бир нафар футболчиси журналистлар саволларига жавоб қайтаради.
Аввалига соат 11:00да ҳар иккала клуб менежерлари, учрашув комиссари, ҳакамлар назоратчиси ҳамда ўйинга алоқадор бошқа шахслар иштирокида анъанавий тадбир бўлиб ўтади. Тадбирдан сўнг матбуот анжумани бошланади. Барча турдаги ОАВ ходимларини "Локомотив" - "Ал-Ҳилол" ўйинидан олдинги матбуот анжуманига таклиф қилиб қоламиз.
"Локомотив" футбол клуби матбуот хизмати.
