“Нефтчи” – “Машъал” (1:0) учрашувидан сўнг ташкил этилган матбуот анжуманида Александр Хомяков иштирок этди, деб хабар беради Муборакликлар расмий сайти.
“Ўйин ҳақида фикр билдирадиган бўлсам, аввало “Нефтчи” жамоасини бугунги ҳақли ғалаба билан табриклайман. Янги “Истиқлол” ўйингоҳида дастлабки ўйин қийин бўлиши табиий эди. Мухлислар ҳам жамоага ёрдам берди деб ўйлайман. Биз Фарғонага фақат ғалаба учун ташриф буюрган эдик. Лекин бунга эриша олмадик. Иккинчи бўлимда бир киши кам бўлиб қолганимиз бизнинг зиёнимизга ишлади. Режаларимиз ўзгариб кетди. Ҳумоюн Муртазоевда қулай имконият бўлганди. Кейинги ўйинларда ҳам “Нефтчи” жамоасига омад тилайман”, - дейди Хомяков.
"Биз симуляция қилмадик. Вазиятларга қаранг 0:0 вақтда ҳатто "Нефтчи" футболчилари ҳам икки марта майдонда йиқилиб ётди. Бундан ҳеч ким наф кўрмайди. Футболда бундай ҳолатдан мен нафратланаман".