«Барселона» бош мураббийи Луис Энрике «ПСЖ»га қарши ўйин олдидан ЕЧЛнинг жавоб ўйини олдидан ўз фикрларини билдириб ўтди (биринчи ўйин – 3:1).
«Парижликлар учун дастлабки ўйин натижаси салбий кўриниш олди. Улар барча имкониятларни ишга солган ҳолда ғалаба қозонишга ҳаракат қилишади.
Бизнинг мақсадимиз битта — ушбу ўйинда ғалаба қозониш. Ярим финалга чиқиш учун кимнинг имконияти юқори эканини айта олмайман. Шуни биламанки, кейинги босқичга чиқиш учун яна битта ажойиб ўйин ўтказишимиз керак.
Биз Чемпионлар лигасида фаворит эмасмиз, биз ярим финалга чиқиш учун даъвогармиз. Худди шу гапни «ПСЖ» ва чорак финалнинг бошқа иштирокчилари ҳақида ҳам гапириш мумкин. Ярим финалга фақат 4та жамоа чиқади. Ҳозирча эса барча 8 жамоада ғолибликни қўлга киритиш учун имконият мавжуд.
Мухлисларимиз биз билан бирга бўлишларини истардим. Улар бизни янада кучлироқ қилади. Биз уларнинг ёрдамига умид қиляпмиз.
Иброҳимович сафга қайтмоқда, аммо бу масаланинг моҳиятини ўзгартирмайди, «ПСЖ» яна ўша услубда ўйнайди. Златан ва Верратти – парижликлар учун жуда муҳим ўйинчилар. Улар ёрдамида «ПСЖ»нинг индивидуал маҳорати янада ошади.
Биз ўйинга бўлган режамизни ўзгартришимиз мумкин, аммо Ибра ёки Верратти сабабли эмас. Баъзида биз бундай ўзгаришларни рақибга кўпроқ муаммо келтириш учун қиламиз, алоҳида ўйинчилар туфайли эмас. Верратининг ўйинини илк марта кўрган кунимдан бошлаб у менга ёқади. У ҳар қандай жамоада ўйнаши мумкин», – дейди Луис Энрике.
