Лондоннинг “Челси” жамоаси Мадриднинг “Атлетико” жамоасидан яна бир футболчини сотиб олишни кўзламоқда.

АS нашрининг хабар беришича, ўтган мавсумда “Атлетико”дан Диего Коста, Тибо Куртуа ва Фелипе Луисни сотиб олган Роман Абрамович жамоаси эндиликда Кокени ҳам ўз таркибида кўрмоқчи. Жамоа спорт директори Майкл Эменало бироз олдинроқ “Атлетико” ва “Малага” баҳсини томоша қилиш учун Испанияга борган ва Кокени кузатган. Хабарда айтилишича, лондонликлар бу трансфер суммасининг бир қисмини Луис Фелипени Испанияга қайтариш орқали тўлаши мумкин.

Маълумот учун, испаниялик ҳужумкор яримҳимоячи Коке “матрасчилар” билан 2019 йилгача давом этадиган шартномага эга. Бу шартномани бекор қилиб, Кокени ўзи билан олиб кетишни хоҳлаган томон 60 млн “Атлетико” ҳисобига 60 млн евро тўлаши талаб қилинади.

Бироз олдинроқ, ушбу футболчига “Манчестер Юнайтед”, “Манчестер Сити”, “Барселона” ҳамда “Ювентус” каби жамоалардан қизиқиш бўлаётгани хабар қилинганди.