Айни вақтда Мадриднинг “Реал” жамоасида ижара асосида ўйнаётган “МЮ”нинг мексикалик ҳужумчиси Хавьер Эрнандес “Динамо” жамоаси раҳбариятининг қизиқиш доирасига тушди. Бу ҳақда АS хабар берган.
Хабарда айтилишича, москваликлар жамоасининг вакили футболчининг агенти билан учрашган ва у билан шу масала юзасидан гаплашган. Вакил футболчининг янги жамоада асосий таркибда ўйнашига ваъда берган.
Маълумот учун, Эрнандес жорий мавсумда “Реал” таркибида 17 марта майдонга тушди ва 4та гол уриб, 2 марта голли узатма амалга оширди.