Хабарингиз бор, бу йил илк марта аёллар футболи тарихида Ўзбекистон Суперкубоги учрашуви ўтказилмоқда. Суперкубок учрашуви икки учрашувдан иборат бўлиб, 16 апрель куни бўлган биринчи учрашувда “Севинч” жамоаси сафарда Бекободнинг “Металлург W” жамоасини 3:0 ҳисобида мағлуб этган эди.
Суперкубокнинг жавоб учрашуви 23 апрель пайшанба куни Қарши шаҳридаги “Геолог” стадионида соат 17:00да бошланади.
Ана шу тарихий учрашув олдидан ҳар иккала жамоа мураббийлари ва етакчи ўйинчилар иштирокида 22 апрель куни матбуот анжумани бўлиб ўтади.
Матбуот анжуманинг биринчи қисмида меҳмон жамоа бош мураббийи Шерали Бобоқулов ва “Металлург W” жамоаси ўйинчиси иштирок этишса, матбуот анжуманининг иккинчи қисмида “Севинч” жамоаси катта мураббийи Олег Кахаров ва жамоа сардори Зебо Жўраевалар иштирок этишади.
Матбуот анжумани 22 апрель куни стадион ҳудудидаги конференц залда соат 16:00да бошланади.
Ушбу матбуот анжуманига барча ОАВ вакилларини таклиф этамиз.