"ПСЖ" бош мураббийи Лоран Блан чемпионлар лигасининг чорак финалида "Барселона"га қарши жавоб учрашувидан сўнг (0:2) фикрларини билдирди.
"Биринчи ўйинда бизга қийин бўлган эди, иккинчи ўйинда эса "Барселона" янада кучлироқ ўйнади. Жуда аламли омадсизлик, аммо бунга кўнишимизга тўғри келади. Гол урган тақдиримизда ҳам кейинги босқичга чиқа олмаган бўлар эдик, аммо бу бизга бироз ишонч берар эди.
"Бизда яхши ўйинчилар бор, ҳатто буюклари ҳам бор, аммо "Барселона"ни ютиш учун 120 фоиз куч сарфлашинг керак, шунингдек, озгина омад ҳам керак. "Барселона" биздан кўп жабҳада икки калла устун, агар барча жабҳада бўлмаса. Аммо ўша озгина имкониятимизни ҳам ишга сола олмадик", - дейди Блан.
