Бугун Осиё чемпионлар лигасида иштирок этаётган 2 клубимиз ўз ўйинларини ўтказишади. "Бунёдкор" ва "Ан-Наср" жамоалари ўртасидаги ўйин 19:00да бошланса, "Нафт" - "Пахтакор" баҳси эса Тошкент вақти билан 19:30да старт олади.
Демак, 2та ўйин устма-уст тушиб қолган. "Спорт" канали ушбу вазиятда трансляциялар борасида қандай йўл тутади?
Айни дақиқаларда "Спорт"да ОЧЛга бағишланган жонли эфирдаги кўрсатув бошланган бўлиб, студияда журналистлар — Мурод Ризаев ва Дилшодбек Тўхтабеков ўз фикр-мулоҳазалар билан ўртоқлашишмоқда.
Ушбу журналистларнинг жонли эфирда берган маълумотларига кўра, соат 19:00дан "Бунёдкор" - "Ан-Наср" ўйини трансляцияси бошланади. 19:30дан бошлаб эса "Нафт" - "Пахтакор" трансляциясига ўтилади. "Қалдирғочлар"нинг ўйини кечқурунги дастурда тўлиқ қўйиб берилади.
