Marca нашри жорий мавсумда ЕЧЛ ярим финалига йўл олган “Реал” ва “Барселона” жамоалари мухлислари ўртасида сўровнома ўтказди. Унда мухлислар кейинги босқичда ўз севимли жамоалари учун қайси рақиб дуч келишини исташаёгани сўралган эди.

Маълум бўлишича, мадридлик мухлислар ҳам, каталонияликлар ҳам кейинги босқичда ўзаро тўқнашишни унчалик ҳам хоҳлашмаяпти.

“Реал” фанатларининг 60,4 фоизи яримфиналда “Ювентус” билан ўйнашни исташаётган бўлишса, 20,2 фоизи “Бавария”ни, атиги 19,4 фоизи “Барселона”ни кейинги босқичда кутмоқда.

Ўз ўрнида каталониялик мухлисларнинг ҳам аксари бу мавсумда яримфиналда “Реал” билан ўйнашни ёқламаган. Уларнинг 54,5 фоизи “Бавария” билан, 27 фоизи “Ювентус” билан, 18,5 фоизи “Реал” билан ярим финалда учрашишини исташини билдирган.