"Реал" бош мураббийи Карло Анчелотти бугунги машғулотлар якунига етиши биланоқ чемпионлар лигаси ярим финали учун ташланган қуръа ҳақида фикрларини билдириб ўтди.
"Ушбу босқичда ҳар қандай рақиб қийинчилик туғдиради. "Ювентус" бой тарихга эга бўлган буюк жамоа. Улар яна 12 йилдан сўнг финал йўлланмаси учун киришадилар. "Юве" ҳозирда ажойиб мавсумни ўтказмоқда ва деярли А церийада чемпионликни ҳал қилиб улгурдилар. Бундан ташқари Евроаренадаги юришларини давом эттирмоқдалар.
Биз ўтган мавсумдаги финалдан сўнг бу йили яна бир бор финалда ўйнашни орзу қиляпмиз ва бунга ишонамиз. "Атлетико"га қарши кўрсатган ўйинимз орали бу иш қўлимиздан келишига барчани ишонтира олдик.
Бизга ўтган йили ярим финалда "Бавария"га қарши илк учрашувимизда "Сантяаго Бернабеу"даги ажойиб атмосфера катта куч тақдим этганди ва биз жавоб баҳсида фантастик ўйин намоиш этиб финалга йўл олган эдик. Бу ҳолат "Атлетико"га қарши жавоб учрашувида ҳам кузатилди. Умид қиламизки "Ювентус" билан жавоб учрашувидан сўнг "Бернабеу"да финал йўлланмасини мухлисларимиз билан нишонлаймиз", - деди Карло Анчелотти.
