«Челси» бош мураббийи Жозе Моуриньо жамоа ярим ҳимоячиси Эден Азарнинг «Реал»га трансфер қилиниши ҳақидаги хабарга ўз фикрини билдириб ўтди.
«Азарнинг "Реал"га ўтиб кетиши мумкинлигидан хавотир олаётганим йўқ. Агар улар футболчини сотиб олишни исташса, бундан биринчи бўлиб мен хабар топаман. "Реал" менинг орқамда иш қилишлари мумкин эмас.
Агар "Реал"га Азар керак бўлса, улар менга қўнғироқ қилишлари ва бу ҳақда менга айтишлари лозим. Бу клуб президенти Флорентино Пересга ҳам, вице-президент Санчесга ҳам тегишли.
Азарнинг нархи қанча? 100 миллион фунт ва "Реал"нинг энг яхши 3 футболчиси. Демак, Эденнинг ҳар бир оёғи учун 100 миллион фунт. Боиси, Азар ҳали ёш», – дейди Моуриньо.