"Бухоро"- "Олмалиқ" (0:4) учрашуви якунига етгач матбуот анжумани бўлиб ўтди. 

“Олмалиқ” бош мураббийи Игорь Шквирин ушбу матбуот анжуманига ташриф буюрмади. Унинг ўрнига меҳмонларнинг селекциянер мураббийи Ойбек Усмонхўжаев иштирок этди, деб хабар беради "Бухоро" клуби расмий сайти.

-Биринчидан, бош мураббийимиз Игорь Шквирин номидан узр сўрайман. Бугунги анжуманга иштирок эта олмаганининг сабаби, 15 дақиқадан сўнг поездда йўлга чиқиши керак.

Ўйин ҳақида нималар дейиш мумкин? Бугун ҳисоб йирик бўлишига қарамай, ўйин анча шиддатли кечди. “Бухоро” билан бўлган ушубу ўйинда бизга осон бўлгани йўқ. Ўйиндан олдин бухороликларда йўқотадиган хеч нарсаси қолмаганлиги ва шу сабабдан уларнинг борини бериб ўйнашини билар эдик. Шу сабабли ушбу ўйинга алоҳида тайёргарлик кўрдик.

- Бугунги ғалаба нима эвазига қўлга киритилди?

-Фақат тактикамиз эвазига ғалаба қозондик.