Англия премьер-лигаси бу йилги мавсумидаги энг яхши футболчи -“Челси” ярим ҳимоячиси Эден Азар Лондон клубидан кетиш нияти йўқлигини маълум қилди.
24 ёшли бельгиялик футболчи ҳатто “Реал”дан таклиф тушса ҳам “аристократлар” таркибида қолишини айтиб ўтди. Эслатиб ўтамиз, Англия чемпионатида 33 ўйин ўзтказган Азар 13 та гол киритган ва шериклари томон 8 марта натижали узатма етказиб берган.
Аввалроқ “Челси” устози Жозе Моуриньо: “Агар “Қироллик клуби” Азарни сотиб олишни истаса улар футболчининг ҳар бир оёғи учун 100 миллион евродан тўлашларига тўғри келади” – дея Эден Азарнинг салоҳиятига юксак баҳо берганди.
- “Реал”га ўтишим мумкинми? Йўқ, мен “Челси”да ўйнашда давом этаман, – дейди Азар Goal.com нашрига берган интервьюсида.
